الورزازيين والورزازاات والمغاربة كاملين إبتداء من اليوم غادي ندير هادشي…

عافكم إبتداء من اليوم غادي ندير هادشي…

1 – غادي نطلق الويفي ديال دار مجانا، في سبيل الله، معرفتيش جارك يكون محتاج فيه ومفحالوش. 2 – مغاديش نخرج للدار مرة ، واخا انا مدمن على القهوة ، ولكن 15 يوم مدات مجابت. 3 – مغاديش نمشي للسوق وناخذ السخرة بشكل هيستيري حيت غادي تتسالا ليا وملي نرجع ناخذها مغاديش نلقاها و درويش مغاديش يعيش مسكين 4 – اذا درت الفوضى في الاسواق غادي تنوض فوضى في البلاد ، وهكذا غادي يولي مشكل أمني واقتصادي اخطر من كورونا 5 – مغاديش نبقى نبارطاجي منشورات خاصة بكورونا ، حيت القلق والخوف لي كتزرع في قلوب الرجال والنساء الحوامل و الناس بصفة عامة غادي يقدر يقتل بزاف ناس ، حيت كاين لي كيطلع ليه طونسيو كاين لي فيه السكر ، وهكذا البارطاج كيخلي ناس تخاف بزاف وتمرض بالإكتئاب ، ارحموا من في الارض الخوت . 6 – غادي نحاول اذا خرجت و دخلت من الدار ، ندوش ومنحطش يدي في فمي و عيني و نيفي حتى نغسلهم مزيان . 7 – كاين لي مسك عليه الله ، ومواعيش وغادي يمشي يخرج ويتسارا و يشري خضرة الخ…. بحال لي هو كاين في البلاد ، مغاديش نخليه يستفزني ومغاديش ندير بحالو 8 – اذا بغيت ندير احتياط ديالي ديال الماكلة بحكم انني مغاديش نخرج من دار ، اذا غناخد لي غادي يكفيني مدة اسبوعين على نية انني منخرجش من دار 9 – غادي نهدر مع خوتي و والديا و عائلتي باش يتعقلو حيت حنا في مرحلة خطر ومحتاطين نديرو يد في يد ومناخدوش الموضوع بالضحك . 10 – بغينا نعطيو للعالم صورة جديدة على بلادنا ، يد ف يد . الخوت.